ရွေးကောက်ပွဲမတိုင်ခင် အကျဉ်းသား ၁ သောင်းကျော် လွတ်ဖို့ရှိ

နာမည်ဆိုးနှင့် ကျော်ကြားသောအင်းစိန်အကျဉ်းထောင်၏ အုတ်ရိုးအပြင်ဘက်တွင် အစောင့်တဦး လှည့်ပတ်စောင့်ကြည့်နေပုံ

 နိုဝင်ဘာ ၇ ရက် ရွေးကောက်ပွဲ မတိုင်ခင် မြန်မာနိုင်ငံ အကျဉ်းထောင်အသီးသီးမှာ အကျဉ်းကျနေတဲ့ အကျဉ်း သား ၁ သောင်း ၁ ထောင်ကို လွှတ်ပေးဖို့ရှိကြောင်း ပြည်တွင်းထုတ် သတင်းဂျာနယ် တစောင်ကို ကိုးကားပြီး ဂျာမန်သတင်းဌာန DPA က ရေးသားလိုက်ပါတယ်။

အကျဉ်းသား ၃ ထောင်ကျော်ကို လက်ရှိ ကျခံနေရတဲ့ ပြစ်ဒဏ်တွေကနေ လျှော့ပေ့ါပြီး လွှတ်ပေးမှာဖြစ် သ လို ၈ ထောင်လောက်က လွတ်ရက်စေ့လို့ လွတ်လာမှာဖြစ်တယ်လို့ အမည်မဖော်လိုတဲ့ အကျဉ်းဦးစီးဌာန အရာရှိတဦးကို ကိုးကားပြီး  ဒီကနေ့ထုတ် Myanmar Times သတင်းဂျာနယ်မှာ ရေးသားထားပါတယ်။

လွတ်မြောက်လာသူတွေဟာ ရွေးကောက်ပွဲမှာ မဲပေးခွင့်ရကြမှာဖြစ်ကြောင်းနဲ့  သူတို့ကို မဲပေးခွင့်ပြုဖို့ ရွေး ကောက်ပွဲ ကော်မရှင်က ညွှန်ကြားထားကြောင်း အမည်မဖော်လိုတဲ့ အကျဉ်းဦးစီးဌာန  အရာရှိတဦးကို ကိုး ကားပြီး သတင်းမှာ ဖော်ပြထားပါတယ်၊၊

ဒီသတင်းနဲ့ ပတ်သက်လို့ နိုင်ငံရေးအကျဉ်းသားအားလုံးကို အမှန်တကယ် ပြန်လွှတ်ပေးမယ်ဆိုရင်တော့ ကြို ဆိုရမှာဖြစ်ကြောင်း ၀ါရင့် နိုင်ငံရေးသမားကြီး သခင်ချန်ထွန်းက ပြောပါတယ်၊၊

“အမှန်ကတော့ ဒီအကျဉ်းသား ၁ သောင်း ၁ ထောင်ထဲမှာ နိုင်ငံရေး အကျဉ်းသားအားလုံးပါအောင် လွှတ် ပေးရင်တော့ နတ်လူသာဓုခေါ်မှာပဲလေ။ ရာဇဝတ်မှုနဲ့ ကျတဲ့သူတွေပဲလွှတ်ပြီးတော့ နိုင်ငံရေးသမား နှစ် ယောက် သုံးယောက်ပဲ ပါတယ်ဆိုရင်တော့ ဒါ သိပ်အဓိပ္ပါယ် မရှိဘူးပေါ့။ ဒေါ်အောင်ဆန်းစုကြည်တို့ မင်းကို နိုင်တို့ အစရှိတဲ့ နိုင်ငံရေးသမား အားလုံးရော၊ ကျန်တဲ့သူတွေရော လွှတ်ပေးနိုင်ရင်တော့ ပိုပြီးတော့ နတ်လူ သာဓုခေါ်ဖို့ အကြောင်းရှိပါတယ်။ အဲဒါမျိုးကျတော့ အဘတုိ့ကလည်း ကြိုဆိုပါတယ်။ အဲဒီတော့ လွှတ်မယ့် အထဲမှာ နိုင်ငံရေးသမားတွေပါ အားလုံး ရောလွှတ်ပေးဖို့ မေတ္တာရပ်ခံချင်ပါတယ်”

ဒါပေမယ့် လွှတ်ပေးမယ့်သူတွေရဲ့ အမည်စာရင်းကို မထုတ်ပြန်သေးတဲ့အတွက် ဒီအထဲမှာ နိုင်ငံရေးအကျဉ်း သား ပါမပါဆိုတာ မသိနိုင်ဘူးလို့ DPA သတင်းက ရေးသားပါတယ်၊၊

မြန်မာနိုင်ငံမှာ အကျဉ်းထောင် ၄၃ ခုနဲ့ ရဲဘက်စခန်း ၁၀၀ ရှိပြီး အကျဉ်းသား ၅ သောင်းကျော် ရှိတယ်လို့ သိရပါတယ်။ ပြည်ပအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) AAPP နဲ့ လူ့အခွင့်အရေးအဖွဲ့တွေရဲ့ အဆိုအရ မြန်မာနိုင်ငံမှာ နိုင်ငံရေးအကျဉ်းသား ၂ ထောင့် ၂ ရာကျော် အကျဉ်းကျနေပါတယ်။ ဒါပေမယ့် DPA သတင်းမှာတော့ နိုင်ငံရေးအကျဉ်းသား ၃ ထောင့် ၂ ရာ ရှိတယ်လို့  ဖော်ပြထားပါတယ်၊၊

ရင်းမြစ်(http://www.rfa.org/burmese/news/burma_to_release_11000_prisoners_ahead_of_elections-10102010102101.html)

1. 2. 3.